مظاهرات واحتجاجات مدارس الثانوى عندنا عايزه ارائكم

[right]ا[color=brown]لسلام عليكم ورحمه الله وبركاته

ازيكم يا اعضاء الحمله

هدخل فى الموضوع علطول بدون مقدمات

بعد الثوره حصلت مظاهرات كتير

منها فئوى كتير

وفى مدارس حصل فيها مظاهرات زى مدرستنا ومدارس تانيه كتير
[/color]
فى اول يوم مدارس (يوم الاحد

بنات تالته وتانيه نظموا مظاهره بيطالبوا فيها انهم يمشوا بدرى وبعد كده المديره وافقت ومشتهم

وفى نفس اليوم فى الثانوى بنين كانوا بيجهزوا لليوم ده من قبليها باسبوع وحرقوا كاوتشات وكسروا حاجات علشان كانوا عايزين يسقطوا المديرهو ويغيروا دستور المدرسه

اليوم ده عدى على خير الحمد الله

***********************************************************
[color=red]يوم الاتنين


جات لينا مديره التعليم الثانوى فى الاداره وعدت على فصل فصل وشافت مطالبهم واتناقشت معانا فيهم ووعدتنا بعمل كام حاجه كده


وبعد كده نزلنا تحت نتكلم مع المديره وكام وحده كده كانوا حواليها فى الحوش فى الفسحه بس مكانتش بترد علينا وبعد كده وبنت وجهت ليها كلام مباشر
قالت لها تعالى معايا
وخدتها ودخلتها اوضه و معاها المديره ووكيله
وكانت عايزه تفصلها ومحدش يعرف بعد كده اللى حصل
كانوا قبلها تحوا البوابه ونص المدرسه مشيت


مدرسه البنين


المديره اتحقق معاها

والاداره وعدتهم بتحقيق المطالب المشروعه

********************************************


[color=green]الثلاثاء عدى على خير ومفيش حاجه حصلت نهااااااااائى فى المدارس


بس كان في فى الاداره مظاهرات لطلبه ثانوى صنايع وكل ولد جاى وفى ايده انتيمته


والمطلب بتاعهم



عايزين المدرسه مشتركه !!!!!!!!!!!!!!!!!!!!!!!


[/color][/color]**************************************************

ربنا يهدى الجميع يا رب

انا كنت مؤيده للمظاهرات اللى فى مدرستنا بس
[/right]

هكمل باذن الله بعد كده

االمظاهرات خلاص خلصت وفى مطالب كتير اتحققت

يوم الاربعاء والخميس

مدرستى

مجموعه بنات قدموا المطالب بتاعتنا للمديره

وفى مسيره بنين عدوا من قدام مدرستنا كالعاده بتاعه كل يوم

بس كل يوم كانوا بيعدوا عادى نظرا لان مدرستنا على شارع رئيسى ومن الشوارع المؤديه لمدرستهم

بس اللى حصل زياده انهم وقفوا قدام المدرسه بتاعتنا وكانوا عايزينا ننزل معاهم نروح الاداره وكل مدرسه تطالب بطالبتها بس علشان نبقى كتير

وفى كام ولد كده نطوا من فوق السور وبعد كده المدرسين خرجوهم

وكان بيتعمل اجتماعات

كان فيها ناس من ائتلاف شباب الثوره دخلوا المدرسه بتصريح من الاداره علشان يوعوا البنات

ونظرا لوجود بعض الكوسه فى مصر

الاخصائيه لما طلعت تاخد البنات خدت الامينه والمساعده بس يعنى خدت اللى تعرفهم

انا فكرت ان الاجتماع خاص بيهم وهما اللى يوعوا بقيه الفصل

عرفت على نهايه البريك ان ممكن اى حد يدخل طلعت بس فى نهايه الاجتماع

ملخص الاجتماع ده هو

ان مديره التعليم الثانوى قالت

ان ديه بقايا الثوره اللى محمسانا زياده

بس احنا لازم نستغل الثوره كويس


شويه ومديره مدرستنا طلعت ونادت على الشباب ومديره التعليم الثانوى

وبعد كده دخل واحد من الشباب وقال لهم ان المديره دى مثال للحاكم الظالم والمستبد

ودخلوا وابتدى النقاش حول ضغط المديره على البنات باعمال السنه

وبنات الادبى اشتكوا من عدم الاهتمام بهم وان مفيش حد بيطلع ليهم بسبب المبنى اللى هما فيه

والظلم اللى كان فى المدرسه وان احنا مش بنمشى الا متأخر حتى لو خلصنا الحصص بتاعتنا كلها

وفى كلام برضه ان كان فى وحده من البنات كانت بتقوم تدافع عن المديره

بس حصل عليها هجوم

وان شباب الثوره خدوا مطالبهم وكتبوها

واتناقشوا معاهم فى كذا حاجه

والبنت المؤيده للمديره كانت بعد الاجتماع بتقول لشباب الثوره ان البلد مش هتتغير ودا ان سمعته بنفسى

ده كان ملخص للى حصل عندنا

آه ونسيت اقول فى مدرسه البنين عملوا حركه اسمها الحركه الشبابيه الثانويه

وهيعملوا صحفيه باسمهم تذاع فى الاذاعه المدرسيه وناوين على خطط اصلاح

وفى مدرستنا

المدرسه خصصت يوم الخميس كيوم رياضى يبقى فيه انشطه لينا كل واحده مننا تمارس موهبتها وننظف فيه المدرسه وكده يعنى



***********************************************

الثوره الثانويه
(ثورتنا)


ايجابيات وسلبيات


اكيد اى حاجه ليها ايجابيات وسلبيات


وهعرض الايجابيات والسلبيات دى من وجهه نظرى


****************************

الايجابيات

1- ثورتنا ثوره سلميه باستثناء اللى البنين عملوه فى اول يوم

2-قدرنا نتكلم ونطلب مطالبنا المشروعه ونتناقش بكل زوق واحترام مع الناس اللى جم من الاداره او الثوره واتناقشوا معانا

3- بعد الثوره فى كتير غير من نفسه لما كانت اى واحده بتقوم تتكلم انا كنت بندهش ان احنا فينا كميه الافكار الكويسه دى وكميه الاحساس بالمسؤليه وان احنا اللى هنغير

4- لغينا او شبه لغينا فكره ان الثانوى دول شويه مراهقين ودماغهم فاضيه وبقينا احنا بدايه الشباب واحنا اللى هنعمل بكره وده بقيت بلاحظه بشكل كبير فى تعامل معظم المدرسين معانا وتقديرهم لاى كلمه بنقولها

5- قدرنا نكون ايد واحده ونتحد
6- الحركات او الجمعيات الخيريه المصغره داخل المدارس

********************************************************

السلبيات
1- بعض اعمال الشغب
2- الخروج من بعض الطلبه فى مظاهرات خارج المدرسه
واللى تسببوا فى تاجيل الدراسه فى بعض المدارس

3- وجود بعض المطالب اللى استحاله تتحقق دلوقتى زى ان كل طالب يكون عنده لاب




دى كانت ثورتنا فى مدارسنا

ثوره كانت جميله وحلوه

اه لسه فى آشكال من الظلم والاستبداد داخل المدرسه بس اقل من الاول

عايزه آرائكم فى الثوره الطويله دى اللى انا عارفه انكوا زهقتوا وانتوا بتقرؤها


مستنيه رأى اى حد هيدخل المنتدى

هههههههههههههههههههههه
لا والله ثورة جامدة وميه ميه
بس عايزة رايى من غير زعل
بغض النظر عن الحماس اللى حصل لان احنا حصل عندنا فى المدرسة الثانوى نفس الكلام تقريبا بس مش كل الحاجات دى
اللى عملوه البنات والاولاد بتوع المدارس الثانوى دى كلها شوية هيافة
بامانة عارفة ليه لانهم مسكوا فى الهايفة وسابقوا المصيبة الكبيرة التقيلة
وهى الدروس الخصوصية جايين يتصدروا فى الحكاية بتاعة الخروج بدرى والدخول بدرى والحاجات اللى بوجودها او من غيرها عايشيين
وسايبين المدرسين ينهشوا ويمصوا فى دم ولحم اهالينا
بالدروس الخصوصية كان لازم نعمل ثورة واضراب على كل الدروس الخصوصية ونرجع المدرسين يشرحوا فى الفصل زى زمان
ونخليهم يبحبوا اديهم فى الكتب بتاعة الوزارة شوية علشان منحتجشى ملخصات وغيره وغيره وغيره
دى مصايب تقيلة
وقال ايه المدرسين غلابة وحياتك الاهالى اللى غلابة ولسه كلام كتير ده ده المختصر

عيب اى اعتصام فئوي دلوقتي

خلونا قد كلمة الحرية ,,,, الحرية كلمة تقيلة اوى واتقل من العبودية بكتير احنا كنا بنعبد مبارك والعياذ بالله واحنا مش واخدين بالنا

بس لما تكون مقيد مش بتكون شايل هم اما دلوقتى انت حر يبقى لازم تتحمل مسئولية نفسك

ولا اللى طالعين يقولو عايزينها مشتركة وكمان اللى عايز يلغي ثانوية عامة وكلام اهبل كله

على فكرة اى اعتصام حصل فى مدارسنا فى المنصورة انا كنت واقف ضده ضد المدرسين والطلبة اللى اعتصمو


خلونا نهدى بالبلد شوية ونركز على الاعتصام الحقيقي ضد كلاب امن الدولة والحزب الواطى اللى لسه بيلعبو بديلهم


ده رأيي

ولكم كل الود والاحترام

[quote="مسلمه96"]

عبدالله حمدى كتب:

عيب اى اعتصام فئوي دلوقتي

خلونا قد كلمة الحرية ,,,, الحرية كلمة تقيلة اوى واتقل من العبودية بكتير احنا كنا بنعبد مبارك والعياذ بالله واحنا مش واخدين بالنا

بس لما تكون مقيد مش بتكون شايل هم اما دلوقتى انت حر يبقى لازم تتحمل مسئولية نفسك

ولا اللى طالعين يقولو عايزينها مشتركة وكمان اللى عايز يلغي ثانوية عامة وكلام اهبل كله

على فكرة اى اعتصام حصل فى مدارسنا فى المنصورة انا كنت واقف ضده ضد المدرسين والطلبة اللى اعتصمو


خلونا نهدى بالبلد شوية ونركز على الاعتصام الحقيقي ضد كلاب امن الدولة والحزب الواطى اللى لسه بيلعبو بديلهم


ده رأيي

ولكم كل الود والاحترام

الحمد لله اللى خلصنا من مبارك وعقبال الباقي يارب وعقبال المحاكمه يارب ‏
مع كامل الإحترام والتقدير مرإي حضرتك
من رايي مش شرط اى مظاهره فئويه تبقى مش كويسه

يعنى لما المظاهره تتعمل فى وقت الفسحه بس مش اكتر احنا كده مش ضرينا حد

لكن لو المظاهرات اتعملت وضرت بحاجه انا ضدها ساعتها

وربنا يخلصنا من كل الفساد اللى فى مصر باذن الله وجهاز الامن الوطنى ميبقاش زى امن الدوله

ويا رب يتحاكم كل اللى ساهم بفساد فى مصر

جزاك الله خيرا يا افندم

[quote="مسلمه96"]

مسلمه96 كتب:

عبدالله حمدى كتب:

عيب اى اعتصام فئوي دلوقتي

خلونا قد كلمة الحرية ,,,, الحرية كلمة تقيلة اوى واتقل من العبودية بكتير احنا كنا بنعبد مبارك والعياذ بالله واحنا مش واخدين بالنا

بس لما تكون مقيد مش بتكون شايل هم اما دلوقتى انت حر يبقى لازم تتحمل مسئولية نفسك

ولا اللى طالعين يقولو عايزينها مشتركة وكمان اللى عايز يلغي ثانوية عامة وكلام اهبل كله

على فكرة اى اعتصام حصل فى مدارسنا فى المنصورة انا كنت واقف ضده ضد المدرسين والطلبة اللى اعتصمو


خلونا نهدى بالبلد شوية ونركز على الاعتصام الحقيقي ضد كلاب امن الدولة والحزب الواطى اللى لسه بيلعبو بديلهم


ده رأيي

ولكم كل الود والاحترام

الحمد لله اللى خلصنا من مبارك وعقبال الباقي يارب وعقبال المحاكمه يارب ‏
مع كامل الإحترام والتقدير مرإي حضرتك
من رايي مش شرط اى مظاهره فئويه تبقى مش كويسه

يعنى لما المظاهره تتعمل فى وقت الفسحه بس مش اكتر احنا كده مش ضرينا حد

لكن لو المظاهرات اتعملت وضرت بحاجه انا ضدها ساعتها

وربنا يخلصنا من كل الفساد اللى فى مصر باذن الله وجهاز الامن الوطنى ميبقاش زى امن الدوله

ويا رب يتحاكم كل اللى ساهم بفساد فى مصر

جزاك الله خيرا يا افندم

وجزاكم مثله يافندم بس عايز اوضح نقطة ,,, انا مش ضد مطالب الاعتصامات الفئوية وشايف ان مش كلها هايفة بالعكس معظمها بتنادى بحاجات ضرورية ومهمة جدا

لكن مش وقت اى اعتصام فئوي خالص ,,, لان ده حتى لو معمول فى الفسحة بيهز مجرى الحياة الطبيعية فى مصر واحنا دلوقتى مش عايزين نتلف على اى راية غير راية واحدة وهى المصلحة العامة

يعنى المظاهرات اللى بتطالب بمصلحة عامة ديه هى اللى بنشارك فيها اما الاعتصامات الفئوية فايا كانت مطالبها نبيلة اولا انا معترض على مبدأها

وعايز الفت نظرك لنقطة مهمة وهى اننا لما نرتقي ببلادنا ونصبر لغاية اما تعدي لبر الامان ولما نحاكم رموز الفساد وييجي ناس مصلحين هنلاقي كل مطالبنا الفئوية تتحقق والله وده املنا اللى مخلينا كلنا صابرين والا ماكناش ننزل 25 يناير

ده رأيي ومع كل الاحترام لأى رأى مغاير
اعزكم الله وبارك فيكم وفينا