مين يصدق ,,, ان ديه مصر !!!!

مين كان يصدق اننا في يوم هنشوف مصر بالايجابية ديه

مين كان يصدق اننا هنشوف المصريين بالجمال ده

مين كان يصدق ان رئيس الوزراء فى يوم هيطلع يعتذر للشعب

مين كان يصدق اننا هنشوف احمد عز وحبيب العدلي مذلولين آخر ذل

مين كان يصدق اننا هنشوف مصر بالجمال ده

الايجابية اللى موجودة فى مصر ,,, والمشاركة فى كل خير الموجودة من كل فئات الشعب وخاصة من الشباب

لو ضاعت هتكون فى رقبة كل واحد مننا

دم الشهداء لو ضاع هيكون فى رقبة كل واحد مننا

,/,

ياشباب والله الناس ايجابية اوى والناس فى مصر بدأت تتعلم التحضر بجد وحب مصر

لو ضاع مننا الكلام ده هيكون فى رقبتنا احنا
,,,,

الشاهد من كلامى :

اوعى تتردد فى عرض فكرة ايجابية على اصحابك ,,, اوعى تمسح الايجابية ديه مننا تانى ,,,, حاول تمسك فيها قدر الامكان اعمل اللى تقدر عليه ... وخلي الناس تشارك معاك

احنا قطعنا نص الطريق فعلا

ولسه النص التانى عايزله صبر وتحدى

ليس التميز ان تصل الى القمة ولكن التميز هو ان تظل باقيا عليها

اذا الشعب يوما اراد الحيا ,,,,,,,,,,,, فلابد ان يستجيب القدر

بحبك يامصر

ولآبد لليل ان ينجلي ولابد للقيد ان ينكسر

دامت اخي كلماتك تنبض بِحُبِكَ لـمصر
ودامت مصر ام الدنيا

ربنا يوفقكم لكل خير ويسهلكم تكملو المشوار للنهاية وبتمنالكم كل الخير من قلبي

ودعواتكم للعراق
إنه يشهد الان مظاهرات كبيرة
وبيُعتَقَد هيموت كتير ناس اليوم دة
لان محدش موافق على المظاهرات وأبسط حاجة أمس حزام ناسف في الانبار
انتقل لرحمه رب العالمين 11 شخص .. فارقو احبتهم من اجل وطنهم
واستكمل ذلك عدد كبير من الجرحى !

ربنا ييسر امور كل البلدان العرب

Iraqia96 كتب:: ولآبد لليل ان ينجلي ولابد للقيد ان ينكسر

دامت اخي كلماتك تنبض بِحُبِكَ لـمصر
ودامت مصر ام الدنيا

ربنا يوفقكم لكل خير ويسهلكم تكملو المشوار للنهاية وبتمنالكم كل الخير من قلبي

ودعواتكم للعراق
إنه يشهد الان مظاهرات كبيرة
وبيُعتَقَد هيموت كتير ناس اليوم دة
لان محدش موافق على المظاهرات وأبسط حاجة أمس حزام ناسف في الانبار
انتقل لرحمه رب العالمين 11 شخص .. فارقو احبتهم من اجل وطنهم
واستكمل ذلك عدد كبير من الجرحى !

ربنا ييسر امور كل البلدان العرب

رجال العراق قدها وقدود ,,,, وارض العراق الطاهرة تشهد على بطولات نادرة لرجالات نادرا مانراهم فى اوطاننا العربية

والله يافندم ندعو لكم وللاخوة فى ليبيا من كل قلوبنا

والله لو نجحث ثورة العراق ولو ثارت سوريا والسعودية مع ثورة مصر لكان كافية بذلك تحرير الاقصى

العراق يعنى الاصالة والعراقة والعزيمة والاصرار كيان خاص

سوريا يعنى ملك الشام وعظمة رجال

السعودية مملكة الاسلام وقلب الاسلام

مصر ام العرب وقلب العروبة واصل كل فتح واصل كل تحرر فهى الام الكبرى

بتمازج الاربع عواصم دول القاهرة وبغداد ودمشق ومكة والله الاقصى يتحرر والعروبة ترجع تانى

الله المستعان

....

ويارب التوفيق لثوار العراق ,,,, يارب يارب

ثورة موفقة ان شاء الله

والله بجد الواحد مش مصدق اللى بيحصل لغايه دلوقتى

نا لاقيت الايجابيه دى فعلا بعد ما الثوره انتهت

زى ما نكون كنا نايمين وما صدقنا شمينا هوا الحريه علشان يصحينا

النهارده وانا ماشيه شفت حاجه حلوه اوى

شفت على كل عمود نور فى ورقه متعلقه عن واجب نظافه البلد مفيش عمود مش عليه الورقه ولا السله

وتحت كل ورقه معلقين سله فى العمود وفيه كيس والاكياس فعلا فيها حاجات مرميه

واصحابى حكوا ليا امبارح ان وهما جايين الدرس لقوا ناس بتنظف الشوارع

وبتهدن الحوائط

ورجعوا مجلس المدينه والمحطه زى ما كانوا

كل حاجه رجعت زى زمان واحسن بكتير

وسمعت ان الناس دلوقتى بقوا بيشتركوا فى جمعيات خيريه

والله الواحد بيفرح لما بيشوف الحاجات ديه

وبقيت نادرا جداا لما اشوف حد ماشى عكسى

الجيش اعتذر للشعب عن اللى بعض الناس من الجيش الى ضربوا المتظاهرين

التعديلات الجديده كويسه

ناقص بس يلغوا قانون الطوارئ ويفرج عن باقى المعتقلين

بجد هتبقى البلد كويسه

يا رب دايما نكون من اعلى الامم فى العلم والايمان

الف مبروك عليكوا الثوره يا سرى

ان شاء الله ربنا هينصركوا

عقبال باقى الدول

يااااارب انصرنا الدول العربيه واعد مجدها اليها

ورجع للعرب وحدتهم

ورجع لينا المسجد الاقصى

آميــــــــــن اختي مسلمة

... ربنا يسعدكم جميعاً

والله فعلا الايجابية بقت حاجة جميلة اوى فى مصر ,,,,

الواحد لو اقترح اى فكرة ايجابية ,,, بجد هتلاقي كل الناس حواليكي يشدو من أزرك ويطبقو الفكرة عشان يفيدو بلدهم

عمار يامصر

يارب ,,,,,, خير ان شاء الله ,,, متفائل جدا اننا قريب هنكون فى فلسطين باذن الله

والله وأنا حاسه بكده برضه

اختى قبل ثوره ليبيا بيومين حلمت ان كل الدول العربيه قامت بمظاهرات وكلها اتغيرت للاحسن بكتير وبعد كده كل العرب خرجوا فى مظاهرات فى يوم واحد وكانوا بيرددوا الشعب يريد انهاء اسرائيل والشعب يريد تحرير فلسطين

يااااااه نفسى اوى يتحقق ان شاء الله قريب

سمعت ان فى المنصوره يوم 26 فبراير كان فى ضرب بالرصاص المطاطى والقنابل المسيله للدموع من الشرطه

الكلام ده حصل بجد

وايه السبب فى كده ؟ خير باذن الله

مسلمه96 كتب:: سمعت ان فى المنصوره يوم 26 فبراير كان فى ضرب بالرصاص المطاطى والقنابل المسيله للدموع من الشرطه

الكلام ده حصل بجد

وايه السبب فى كده ؟ خير باذن الله

فعلا ده حصل والمنصورة مضطربة جدا ,,, كنا عند مديرية الامن

الغريب اننا لغاية دلوقتى ماعرفناش مين اللى ضرب نار وقنابل المنصورة مقلوبة ومش عارفين انهو جيش وانهو بلطجية

بس خير ان شاء الله ,, مش مشكلة لو نستحمل عشان بلدنا

مسلمه96 كتب:: والله وأنا حاسه بكده برضه

اختى قبل ثوره ليبيا بيومين حلمت ان كل الدول العربيه قامت بمظاهرات وكلها اتغيرت للاحسن بكتير وبعد كده كل العرب خرجوا فى مظاهرات فى يوم واحد وكانوا بيرددوا الشعب يريد انهاء اسرائيل والشعب يريد تحرير فلسطين

يااااااه نفسى اوى يتحقق ان شاء الله قريب

ياااااااااااارب ,,, كلامنا ده كان قبل انشاء صفحة الانتفاضة دلوقتى حلم اختك بيتحقق واحدة واحدة

والله متفائل

بعزة التوراة ومحبة الانجيل وبحكمة القرآن قريبا سنكون فى القدس ان شاء الله